İstanbul klubu “Olimpik Lion”un çexiyalı ulduzu Milan Baroşla 3 illik müqavilə imzalayıb
Nəhayət, "Qalatasaray" transfer bombasını partlatdı. Sarı-qırmızılı komanda , “Olimpik Lion”un çexiyalı ulduzu Milan Baroşu heyətinə qatıb. Komandanın idarəçilərindən olan Haldun Üstünəl faktı belə dəyərləndirib:“Qalatasaray" azarkeşləri və idman mətbuatı ilə yeni bir transfer xəbərini bölüşməyin sevincini və qürurunu yaşayırıq. Yenə dünya səviyyəli bir oyunçunu Türkiyəyə gətirərək böyük bir iş gördüyümüzə əminik. Futbol karierası bəlli olan, dünyanın tanınmış komandalarında çıxış etmiş Milan Baroş artıq “Qalatasaray”lıdır. Klubuyla transfer haqqı barədə razılığa gəldik, özü ilə də 3 illlik müqavilə imzaladıq.Bu transferin reallaşmasında əməyi olan bütün “Qalatasaray”lılara və komandamıza xeyirli olsun. “Qalatasaray” Türk futbolunun önəmli bir markasıdır və biz də futbolda marka olan adları klubumuza qazandırmağa davam edirik”. Haldun Üstünəl, Kyuell və De Sanctisdən sonra Milan Baroş transferində də böyük əməyi olduğu barədə suala isə belə cavab verib: "Təbii ki, bu tipli transferlər uzun vaxt aparır amma biz komanda şəklində çalışaraq transferi reallaşdırdıq. Kimin daha çox əməyi olduğunu araşdırmğa ehtiyac yoxdur."
Qeyd edək ki, Milan Baroş avqustun 28-də İstanbula gələcək.
Doğum tarixi: 28 Oktyabr 1981
Doğum Yeri: Viqantike, Çexiya
Boyu: 184 cm
Mövqeyi: Hücumçu
Gəldiyi klub: Olimpik Lion
Kariyerası: 1998-2001 Banik Ostrava (76 matçda 23 qol)
2002-2005 Liverpul (68 matçda 19 qol)
2005-2007 Aston Villa (42 matçda 9 qol)
2007 Olimpik Lion (24 matçda 7 qol)
2008 Portsmut (icarə əsasında, 12 matç)
